«Барселона» яримҳимоячиси Ансу Фати операция қилинмаслигини тасдиқлади.
«Ансу Фати чап сон мушакларидан олган жароҳатидан тикланиш учун консерватив муоалажадан ўтади», — дейилади Каталония клуби баёнотида.
Аввалроқ «Барселона» шифокорлари футболчига операцияни маслаҳат беришгани, бироқ футболчи бунга рози бўлмагани хабар қилинганди.
Агар Фати операцияга рози бўлганида, 4-6 ойни ўтказиб юборган бўларди. Консерватив даволаш билан тикланиш муддати анча қисқароқ — 6-8 ҳафтагача.
19 ёшли вингер бу мавсумда Ла Лигада 5та ўйинда майдонга тушиб, 3та гол урди.
