1,3 миллиондан ортиқ бангладешлик мамлакат шимоли-шарқидаги сув тошқинидан жабр кўрди.
Бу ҳақда журналистларга маҳаллий полиция маълум қилди.
“1,34 миллиондан ортиқ одам жабр кўрди. Сув тошқини оқибатида улар яшаган қишлоқлардаги уйлар ва йўллар сув остида қолди”, дея Силхет округи полицияси комиссари Абу Аҳмед Сиддиқнинг сўзларидан иқтибос келтирди Agence France-Presse.
Синоптикларнинг таъкидлашича, кучли ёғингарчилик Браҳмапутра, Дхарла ва Дудхкумар дарёларида сув сатҳининг хавфли даражада кўтарилишига олиб келди, бу эса Бангладеш шимоли-шарқидаги кўплаб ҳудудларда сув тошқинига сабаб бўлди. Метеорологлар яна 24 соат давомида ёмғир ёғиши ҳақида огоҳлантирди.
Расмийлар жабрланганларга инсонпарварлик ёрдамини кўрсатди. Сув босган ҳудудлар аҳолиси вақтинча чодирли лагерларига эвакуация қилинмоқда, деб хабар беради report.az.
Мени Фаластин масаласи ташвишга солаётгани йўқ, лекин менинг халқим хавотирда
Украинада 3000 қозоқ ҳалок бўлди
Саудия Арабистони Ташқи ишлар вазирлиги раҳбари бугун қизиқарли баёнот берди
