Аёл шифокорларга қарши чиқиб, хавфли операцияга рози бўлди

Англиянинг Эссекс графлигида яшовчи аёл шифокорлар тавсияларига бўйсунмай, хавфли операцияга рози бўлиб, соғлом ўғлини дунёга келтирди. Бу ҳақда «Daily Mail» хабар бермоқда.

26 ёшли Никола Гиннес Англиянинг Эссех графлигида яшовчи аёл иккита бачадон билан яшаб келарди, бачадонларнинг орасида теридан тўсиқ бор эди. "Шифокорлар мен ҳеч қачон туғолмаслигимни айтишди", деди у.

Гиннес ҳомиладор бўлишнинг бошқа усулларини излай бошлади ва ҳатто синглисидан суррогат она бўлишини сўради. Аммо тез орада жарроҳ унга тўсиқ бўлиб турган терини олиб ташлаш мумкинлигини айтди, аммо бу операцияни тавсия қилмади, чунки бу бепуштликка олиб келиши мумкин эди. Гиннес эса шифокорнинг қаршилигига қарамай, 2018 йил октябрь ойида мураккаб операцияга рози бўлди. Операциядан кейин саккиз ой ўтгач, Никола ва унинг севгилиси Энтони ҳадемай ота-она бўлишларини билишди.

10 январь куни бола соғлом туғилди, унга Реджи деб исм қўйилди. Кичкинтой муддатидан бир ойдан олдин туғилган, аммо унинг ҳаёти ва соғлиғига ҳеч нарса таҳдид солаётгани йўқ.

Аёлнинг сўзларига кўра, ҳомиладорлик пайтида у баъзи қийинчиликларга дуч келди, аммо барчаси яхши якунланди. “Операция тўғрисида қарор қабул қилиш жуда қийин эди, чунки шифокорлар қароримга қарши эди. Аммо мен ҳеч қачон она бўлиш орзусидан воз кечмаганман ва курашишни тўхтатмаганимдан бахтиёрман », – деб тан олди Гиннес.

Аввалроқ, Хитойнинг 62 ёшли фуқароси ўз касалликларининг узоқ рўйхатига қарамай, соғлом фарзандни дунёга келтиргани ҳақида хабар берилганди. У ўғлининг ўлимидан кейин кеч ҳомиладорлик тўғрисида қарор қабул қилди.