Автомобиллар учун экологик тоифа ва стикерлар жорий этилди

Ҳукуматнинг 2025 йил 28 ноябрдаги қарорига мувофиқ, автотранспорт воситаларининг экологик тоифасини аниқлаш ва уларга экологик стикерлар бериш тартиби тасдиқланди.

Эндиликда тоифа ишлаб чиқарувчи белгилаган экологик синф асосида белгиланади:
➖ бензин ва газда ҳаракатланувчи “Евро-2” ва ундан юқори;
➖ дизельда эса “Евро-4” ва ундан юқори синфдаги автоуловлар “тоза” тоифага киритилади;
➖ пастроқ синфдагилар эса “ўрта” ёки “зарарли” тоифага ажратилади.

Гибрид, муқобил ёқилғида ҳаракатланувчи, шунингдек ишлаб чиқарилганига 3 йилдан ошмаган автомобиллар ҳам “тоза” тоифага киради.

Рўйхатга олиш жараёнида автоуловларга уларнинг тоифасига мос “яшил”, “сариқ” ёки “қизил” экостикерлар Давлат ЙҲХХ бўлинмаларида берилади.

Автотранспорт эгалари ихтиёрий равишда экологик стикер олиш учун ИИБнинг расмий веб-сайти ёки my.gov.uz орқали мурожаат қилишлари мумкин. Стикерлар муддатсиз берилади.