AUDI Хитойда электр автомобил заводи қурилишини бошлайди

Volkswagen Group таркибига кирувчи Германиянинг AUDI AG автоконсерни ва Хитойнинг FAW компанияси Хитой шимоли-шарқида жойлашган Чанчун шаҳрида электромобиллар ишлаб чиқарадиган завод қуришни бошлади. Бу ҳақда AUDI хабарида айтилади.

Компаниялар уни 2024 йил охиригача якунлашни режалаштирмоқда.

Заводнинг қуввати йилига 150 минг автомобил ишлаб чиқаришга мўлжалланган. Дастлаб, A6 э-трон ва Q6 э-трон моделларини ишлаб чиқариш режалаштирилган.

Ауди компанияси Audi FAW New CO қўшма корхонасида катта улушга эгалик қилади. Немис компаниясининг унга киритган сармояси ва завод қурилиши 2,6 миллиард еврони ташкил этади.

PwC strategy ҳисоб-китобларига кўра, жорий йилнинг биринчи чорагида сотилган учта электромобилдан иккитаси Хитойдаги мижозлар томонидан сотиб олинган.