Футбол бўйича 2024 йилги Европа чемпионатининг чорак финалидан ўрин олган Испания – Германия (2:1) учрашувида асли ўзбекистонлик бўлган футболчи иштирок этди.
Учрашувнинг 90-дақиқасида Германия терма жамоаси таркибида “Штутгарт” ҳимоячиси Валдемар Антон майдонга тушди. Футболчи асли ўзбекистонлик ҳисобланади. У Олмалиқ шаҳрида (Тошкент вилояти) туғилган. Бу — унинг Германия терма жамоасидаги тўртинчи ўйини. Футболчи март ойида немислар миллий жамоасида дебют қилган.
Гуруҳ ўйинларида майдонга тушмаган футболчи, Дания билан ўйинда 88-дақиқада чемпионатда ўз дебютини ўтказди. Германия терма жамоаси мусобақа билан хайрлашган учрашувда ҳам футболчи сўнгги дақиқаларда таркибга қўшилди.
Маълумот учун, Евро—2024 чорак финалида Германия терма жамоаси Испанияга қўшимча бўлимларда имкониятни бой берди. Испанияликлар 119-дақиқада ғалаба тўпини киритди. Ярим финалда Испания Португалияни мағлуб этган Франция билан ўйнайди.
Асл исми Владимир бўлган футболчи 1996 йил Олмалиқ шаҳрида туғилган. Футболчининг таъкидлашича, унинг ота-онаси ҳам Ўзбекистонда туғилган. Футболчининг эслашича, у ёш бўлганида ўзбек ва рус тилида мулоқот қилишган.
Мени Фаластин масаласи ташвишга солаётгани йўқ, лекин менинг халқим хавотирда
Украинада 3000 қозоқ ҳалок бўлди
Агар Қўшма Штатлар ўйламасдан ҳаракат қилса минтақадаги АҚШ базаларига зарба беришга тайёрмиз
