Лондоннинг "Арсенал" клуби "Реал Мадрид" вингери трансферидан воз кечиб, эътиборини бошқа номзодларга қаратади. Бу ҳақда TEAMtalk нашри хабар берди.
Маълумотларга кўра, "канонирлар" футболчининг молиявий талабларини бажаришга ва уни жамоага олиб ўтишга бир неча бор уриниб кўрган. Бироқ трансфер амалга ошмагач, клуб раҳбарияти ҳужумнинг чап қанотини кучайтириш учун муқобил вариантларни кўриб чиқишга қарор қилган.
"Албатта, бу маълум маънода нохуш ҳолат, лекин бундай натижа эҳтимолий сценарий сифатида қаралган, асосий вариант деб баҳоланмаган. У ҳеч қачон "Арсенал" учун ягона номзод бўлмаган", — дея таъкидлаган лондонликлар вакили нашрга берган интервюсида.
Эслатиб ўтамиз, 6 август куни "Реал Мадрид" ушбу футболчи билан шартномани 2032 йилгача узайтирганини расман эълон қилган эди.
Ҳусановнинг дўсти рекорд нархга трансфер қилинди
Беҳруз Каримов — "Лугано" футболчиси!
Фабио Каннаваро: "Терма жамоани ёшартириш ишларини олиб борамиз"
