Арманистонда ҳукуматдаги коррупцияга оид журналистик тадқиқотлари билан танилган мухбир Лилит Агекян ҳибсга олинди.
Маълумотларга кўра, у бир неча соат олдин қўлга олинган ва ҳозирда полиция ҳибсхонасида. Қайд этилишича, Лилит Агекянга адвокати ва онаси билан учрашишга рухсат берилмаган.
Журналистнинг ҳибсга олиниши сабаблари айтилмаган.
Лилит Агекян, маҳаллий матбуотнинг таъкидлашича, Гюмри ҳокимиятининг коррупция, турли жиноятлар ва бошқа қонунбузарликлар ҳақидаги кўплаб фактларини ошкор қилди.
