Аргентинанинг янги сайланган президенти Хавьер Милейининг радикал режаларини амалга ошириш қийин, у бир қатор ички ва ташқи сиёсат масалалари бўйича берган ваъдаларидан воз кечиши керак бўлади. Бу фикрни Россия Фанлар академияси Лотин Америкаси институти директори Дмитрий Розентал "РИА Новости" агентлигига берган интервьюсида айтиб ўтди.
"Аргентинанинг янги президенти парламентда кўпчиликка эга эмас, у ўз қарорларини, жумладан, мухолифат билан ҳам мувофиқлаштириши керак", - дейди эксперт.
Аргентиналик сиёсатчи ўзининг ташқи сиёсатида БРИКС мамлакатларига эмас, балки Вашингтон билан алоқаларга эътибор қаратиш ниятида эканлигини бир неча бор таъкидлаган. Шунингдек, у песодан воз кечиб, АҚШ долларини расмий валюта сифатида ишлатадиган мамлакатларга қўшилишга ваъда берди.
"Баъзи ваъдаларни бажариш жуда қийин: миллий валютадан воз кечиш, марказий банкни йўқ қилиш. Сиёсий жараённинг бошқа иштирокчилари билан бу борада келишиш жуда қийин”, - дея тушунтирди Розентал.
Хавьер Милейининг инаугурацияси 10 декабрь, якшанба кунига белгиланган. Маълум бўлишича, АҚШ президенти Жо Байден ва Исроил бош вазири Бинямин Нетаняху, Милей уларни ўзининг асосий иттифоқчилари деб билишига қарамай, маросимда қатнашмайди.