АҚШнинг рад этиши НАТО бирлигига путур етказади

АҚШнинг Украинадаги эҳтимолий тинчликпарвар миссияда Европа қўшинларини қўллаб-қувватлашдан бош тортиши НАТО бирлигига таҳдид солиши мумкин. Бу ҳақда Financial Times газетаси келтириб ўтган Европа Иттифоқи дипломатининг сўзлари маълум қилинди.

Нашрнинг ёзишича, АҚШ президенти Доналд Трампнинг Америка ҳаво ҳимояси ёки бошқа турдаги ёрдамни таклиф этишдан бош тортгани Украинада таклиф этилаётган тинчликпарварлик миссиясига жиддий шубҳа уйғотган. "Ҳеч ким Украинадаги жанг чизиғида АҚШнинг қўллаб-қувватлашисиз оз сонли Европа қўшинларини кўришни истамайди," - деди Европа Иттифоқи дипломати. У яна қўшимча қилди: "Агар бирор нарса содир бўлса, бу НАТО бирлигига катта зарар етказади."

15 март куни Буюк Британия бош вазири Кир Стармер Украина бўйича онлайн саммит якунида "хоҳловчилар коалицияси" мамлакатларининг ҳарбий раҳбарлари 20 март куни Лондонда Украинага қўшин юборишнинг операцион тафсилотларини муҳокама қилиш учун тўпланишини маълум қилди.Британия ҳукумати бошлиғи таъкидлашича, бир қатор мамлакатлар Украинадаги "тинчликпарвар кучлар" миссиясида иштирок этиш бўйича "аниқ мажбуриятлар" олган, бироқ келишувлар тафсилотларини ошкор қилмаган.