30 майдан бери АҚШда норозилик намойишлари Россия ва Хитой билан боғлиқ твиттер аккаунтларида 1,2 минг мартадан кўпроқ қайд этилган. Бу ҳақда Politico ўз тадқиқотларига таяниб ёзган.
Мутахассисларнинг фикрига кўра, бундай ҳаракатларнинг мақсади АҚШда сиёсий ишончсизлик муҳитини кучайтириш эди.
“Россия ҳар доимги ишини қиляпти. Аммо биз биринчи марта Хитой Пекиннинг манфаатларига бевосита таъсир кўрсатмайдиган можарога чуқур аралашаётганини пайқадик”, — деди Маршалл жамғармасининг интернет дезинформациясига қарши кураш бўйича мутахассис Брет Шафер.
Хусусан, Хитой Ташқи ишлар вазири Хуа Чуньин Қўшма Штатлардаги норозиликларнинг шиори бўлган "Мен нафас ололмайман" деган ёзувни эълон қилди.
Эслатиб ўтамиз, афро-америкалик Жорж Флойд 25 май куни Миннеаполисда қўлга олинган. Полиция ходимларидан бири унинг бўйнига тиззаси билан босган, натижада Флойд реанимацияда вафот этган. Ушбу воқеадан кейин бутун мамлакатда норозилик намойишлари бошланди.
