АҚШда рўй берган отишмада бир нафар полиция ходими ҳалок бўлди

Американинг Жоржия штати Атланта шаҳридаги Эмори университетида отишма юз берди ва гумонланувчи ўлдирилди.

Бу ҳақда CBS News телеканали маълум қилди.

Отишмада бир полициячи ҳам яраланган, кейинроқ вафот этган.

Атланта мэри Андре Диккенс ҳодиса оқибатида тинч аҳоли орасида қурбонлар йўқлигини маълум қилди. Шунингдек, гувоҳларнинг сўзларига кўра, университет кампуси ёнида жойлашган АҚШ Касалликларни назорат қилиш ва профилактика марказлари биносининг деразаларига бир нечта ўқ теккан.