АҚШда кредит карта қарзи рекорд даражага етди

Нью-Йорк Федерал захира банки ҳисоботига кўра, америкаликларнинг кредит карта қарзи ортиб бормоқда ва янги рекордга етди, деб ёзади Fox Business.

Жами кредит карта қарзи учинчи чоракда 1,17 триллион долларга кўтарилди. Бу ўтган чоракдагидан 24 миллиард долларга кўпдир. Бу 2003 йилдан бери энг юқори даражадир.

Ҳисоботда айтилишича, уй хўжаликларининг умумий қарзи 17,94 триллион долларга ошган, жумладан, ипотека (12,59 триллион доллар), автокредитлар (1,64 триллион доллар) ва талабалар кредитлари (1,61 триллион доллар) бўйича қолдиқлар.

Юқори инфляция АҚШнинг кўплаб уй хўжаликларига жиддий молиявий босим ўтказди, улар кундалик эҳтиёжлар учун кўпроқ пул тўлашга мажбур.

Октябрь ойида ёқилғи, озиқ-овқат ва ижара нархи ўтган ойга нисбатан 0,2 фоизга, ўтган йилга нисбатан 2,6 фоизга ошган.

Октябрь ойида асосий инфляция 2,4% дан 2,6% гача кўтарилди ва Федерал резерв тез орада ставкаларни пасайтириш режаларини давом эттириши мумкин.