АҚШда кичик самолёт турар-жой биноси устига қулади

Кичик SOCATA TBM 700 самолёти Миннесота штати Бруклин-Парк шаҳридаги турар-жой биноси устига қулаб тушди.

Бу ҳақда ABC News телеканали хабар бермоқда.

Ҳодиса 29 март куни маҳаллий вақт билан 12:20 атрофида содир бўлган, қурилма қулаганидан кейин ёнғин бошланган.

Телеканал маълумотларига кўра, самолётнинг барча йўловчилари ва экипаж аъзолари ҳалок бўлган, бироқ уйдагилар жабрланмаган.

Маҳаллий ўт ўчириш бошқармаси ҳозирча қурбонлар сонини аниқлай олмади. АҚШ Миллий Транспорт хавфсизлиги кенгаши самолёт ҳалокати ҳолатлари юзасидан текширув бошлади.