АҚШда ота-оналар фарзандларининг жорий йилнинг 28 августидан бошланадиган таълим жараёнига фаол тайёргарлик кўрмоқда. Kazinform мухбири болани Америка мактабининг биринчи синфига тайёрлаш учун қанча маблағ талаб қилинишини ўрганиб чиқди.
АҚШда ўқувчилар учун ягона талаб - бу мажбурий тиббий кўрикдан ўтиш ва керакли эмлашларни олишдир, уларсиз болаларнинг ўқишига рухсат этилмайди. Мактабга киришдан олдин ота-оналарга сотиб олиниши керак бўлган ўқув қуроллари рўйхати тақдим этилади.
Ўқиш учун биринчи синф ўқувчиси қуйидагиларни сотиб олиши керак:
- мактаб сумкаси - 9 доллардан 29 долларгача;
- 12 та №2 қора қаламдан иборат тўплам - 4 дан 8 долларгача;
- ҳар бирида 24 дона бўлган иккита рангли қаламлар қутиси - 12 дан 24 долларгача;
- кенг учли 8 рангли фломастерларнинг битта тўплами - 6 дан 20 долларгача;
- бир тўплам елим-қалам (каттаси) - 7 дан 18 долларгача;
- кўк, қизил, сариқ ва яшил рангдаги, иккита чўнтакли тўртта папка - 10 дан 15 долларгача;
- икки қути салфеткалар - 8 дан 36 долларгача;
- икки тўплам ўткир учли қора маркерлар - 18 доллардан 46 долларгача;
- спиралсиз иккита блокнот - 8 дан 16 долларгача;
- иншолар учун битта қалин дафтар - тахминан 6 доллар;
- ўлчами бир галлон (4,5 литр)га тенг бўлган қути - 6 дан 24 долларгача;
- ўлчами бир кварт (0,94 литр)га тенг қути - 6 доллардан 14 долларгача;
- икки тўплам қалин рангли қоғозлар - 14 дан 24 долларгача;
- бир тўплам нам салфеткалар - 6 дан 13 долларгача;
- икки флакон қўлни тозалаш воситаси - 5 дан 13 долларгача;
- икки жуфт наушник - 18 дан 42 долларгача;
- битта қалам қутиси - 8 дан 15 долларгача.
Дастлабки ҳисоб-китобларга кўра, айтиш мумкинки, агар сиз энг паст нархларда товарлар сотиб олсангиз, Америка мактабида биринчи синф ўқувчиси учун барча керакли ўқув қуролларини сотиб олиш тахминан 150 долларга тушади. Ўртача харажат 230 доллар бўлиши мумкин ва максимал харажат тахминан 360 долларгача кўтарилиши мумкин.
Аҳолининг ижтимоий ҳимояга муҳтож қатламлари учун хайрия ёрдами диний ва жамоат ташкилотлари томонидан ўқув қуролларини бепул тақдим этади. Бироқ, бундай ёрдам чекланган ва барча муҳтожлар учун етарли эмас.
Шуни таъкидлаш керакки, Америка давлат мактабларида таълим бепул, бироқ ота-оналар маълум харажатларни ўз зиммаларига олишлари керак. Жумладан, фарзандларининг овқатланиши учун кунига 5,25 (нонушта - 2 ва тушлик - 3,25 доллар), ойига 105 доллар сарфлашади. Бироқ, агар ота-оналарнинг даромади паст деб ҳисобланса, болалар бепул ёки арзонлаштирилган овқат олиш ҳуқуқига эга.
