АҚШда 2026 йилнинг биринчи ярмида реал даромади ўсиши кутилмоқда

2026 йилнинг биринчи ярмида АҚШда инфляция пасаяди ва реал даромадлар ошади.

АҚШ молия вазири Скотт Бессент Fox News телеканалига берган интервьюсида шундай прогноз қилган.

"Биринчи икки чоракда биз инфляция чизиғининг пастга силжишини, шунингдек, реал даромадларнинг сезиларли ўсишини кўрамиз, деб кутган бўлардим. Бу икки чизиқ кесишганда, америкаликлар буни ҳис қилишади", деди у.

Бессент шунингдек, кичик бизнес ўсиш бўйича "буюк 2026 йил"га эга бўлишига ишонч билдирди.