Оқ уй Хитой етакчиси Си Цзиньпин Россияни фаолроқ қўллаб-қувватлашидан хавотирда. Бу ҳақда РИА Новости The New York Times нашрига таяниб хабар берди.
“АҚШ президенти Жо Байден маъмурияти аъзолари орасида Си Цзиньпиннинг Россия ва Украина ўртасидаги ҳарбий можародаги ўз мамлакатининг роли ҳақидаги қарашлари ўзгаргани ва келажакда Пекин Москвани янада кучлироқ қўллаб-қувватлайди, деган ишонч кучайиб бормоқда”, — дейилади нашрда.
Мақолада таъкидланишича, бир неча ой олдин америкалик амалдорларнинг аксарияти бу нуқтаи назарни муболаға деб билишган ва Байден Россия ва Хитой "ўзаро шубҳаларни енгиб" ҳамкорлик қила олишига очиқ шубҳа билдирди.
