АҚШ Венесуэлага зилзила оқибатларини бартараф этиш учун 310 миллион доллардан ортиқ ёрдам кўрсатди

Қўшма Штатлар Венесуэлага ҳалокатли зилзилалар оқибатларини бартараф этиш учун 310 миллион доллардан ортиқ ёрдам кўрсатди.

Бу ҳақда АҚШнинг Венесуэладаги муваққат ишлар вакили Жон Барретт брифингда маълум қилди.

"Бугунги кунга қадар АҚШнинг гуманитар ёрдами 310 миллион доллардан ошди. Венесуэла расмийлари АҚШнинг мамлакатда гуманитар ёрдамни тезлаштириш бўйича сўровларини тўлиқ бажармоқда", деди у.

Июнь ойи охирида Давлат департаменти АҚШ маъмурияти Венесуэлага зилзила оқибатларини бартараф этиш учун 150 миллион доллар ажратишни режалаштираётганини эълон қилди.

Эслатиб ўтамиз, 25 июнь кечаси Венесуэла шимолида 7,1 магнитудали зилзила содир бўлди. Кейинчалик АҚШ Геологик хизмати 7,2 ва 7,5 магнитудали иккита зилзила ҳақида хабар берди, улар орасидаги фарқ 40 сония. Венесуэла расмийлари фавқулодда ҳолат эълон қилишди. Сўнгги маълумотларга кўра, ҳодиса оқибатида ҳалок бўлганлар сони 3535 кишига етди, 16 740 киши жароҳат олди.