Украина президентининг маълум қилишича, Киев ва Вашингтон Москва билан тинчлик келишуви ҳамда хавфсизлик кафолатлари бўйича битимлар асосини ташкил этиши лозим бўлган ҳужжатлар устида ишлашни давом эттирмоқда.
Зеленскийнинг сўзларига кўра, асосий ҳужжат хавфсизлик кафолатлари тўғрисидаги битим бўлади. Унга кафил мамлакатлар томонидан Украина Қуролли кучларини қўллаб-қувватлаш бўйича тафсилотлар ва мажбуриятларни ўз ичига олган ёпиқ илова киритилади.
Шунингдек, Зеленский урушдан кейин Украинани тиклаш бўйича келишув устида ҳам ишлар давом этаётганини айтди.
У ўзининг Телеграм каналида Украина томони АҚШ ва Европадан олишни кутаётган хавфсизлик кафолатларининг бир қисмини эълон қилди. Улар қаторида: 800 минг кишилик Украина Қуролли кучларини моддий томондан таъминлаш, Европа Иттифоқига аъзолик, ҳаво, денгиз ва қуруқликдаги хавфсизликни таъминлаш, шунингдек, энергетика, молия ва бошпаналар масалаларида “кўнгиллилар коалицияси” томонидан қўллаб-қувватлаш бор.
Украина президентининг таъкидлашича, Вашингтоннинг кафолатлари Европаникидан алоҳида расмийлаштирилади, у юридик жиҳатдан мажбурий кучга эга бўлиши учун АҚШ Конгресси томонидан тасдиқланиши керак.
Россиянинг “таслим бўлиш” таклифи ҳақида маълум қилинди
Россия дарҳол ҳарбий ҳаракатларни тўхтатишга тайёр,
Якутия дунёнинг энг совуқ минтақалари рейтингида пешқадам бўлди
