АҚШ маъмурияти Украинага ядро қуролини етказиб берилишига йўл қўймайди, бу ҳақда гап ҳам бўлиши мумкин эмас, деб баёнот берди АҚШ давлат котибининг Европа ва Евросиё ишлари бўйича ёрдамчиси Карен Донфрид пайшанба куни.
«АҚШ қурол етказиб бериш йўли билан Украинага хавфсизлик соҳасида ёрдам кўрсатмоқда. Аммо, ядро қуролини етказиб бериш масаласига тўхталадиган бўлсак, бу ҳақда гап ҳам бўлиши мумкин эмас», – деди Донфрид АҚШ конгрессининг Украинага қўшимча ёрдам кўрсатишга бағишланган йиғилишида сўзга чиқиб.