КХДРнинг Бирлашган Миллатлар Ташкилотидаги доимий ваколатхонаси Корея халқ армияси (КХА) аскарларининг Россияга жўнатилгани ҳақидаги иддаоларни асоссиз миш-мишлар дея рад этди.
Украинада Корея Халқ Демократик Республикаси (КХДР) қўшинлари борлиги тасдиқланса, АҚШ Конгрессининг ҳарбий жавоб чоралари кўриш ҳақидаги чақириқлари Корея яриморолидаги кескинликни кучайтирмоқда, деди Россия ташқи ишлар вазири ўринбосари Андрей Руденко ОАВга.
«Менимча, бундай баёнотлар Корея ярим оролидаги вазиятни янада кескинлаштирадиган провокацион спекуляциялардан бошқа ҳеч қандай тарзда таснифланмаслиги керак», — деди у.
АҚШ Конгресси Вакиллар палатасининг разведка бўйича доимий танлов қўмитаси раиси Майк Тёрнер (Огаё штатидан республикачи) Вашингтон маъмурияти КХДР қўшинлари Украина ҳудудида пайдо бўладиган бўлса, уларга қарши тўғридан-тўғри ҳарбий чоралар кўриш масаласини жиддий ўйлаб кўришни таклиф қилди.
«Агар Шимолий Корея қўшинлари Украинанинг суверен ҳудудига бостириб кирса, Қўшма Штатлар Шимолий Корея қўшинларига қарши тўғридан-тўғри ҳарбий чора кўриш масаласини жиддий ўйлаб кўриши керак», деди Тёрнер чоршанба куни эълон қилинган ёзма баёнотда.
КХДРнинг БМТдаги доимий ваколатхонаси Корея халқ армияси (КХА) аскарларининг Россияга жўнатилгани ҳақидаги иддаоларни асоссиз миш-мишлар сифатида рад этди.
Аввалроқ Россия президенти матбуот котиби Дмитрий Песков ҳам ОАВда КХА ҳарбий хизматчиларининг Украинадаги урушда иштирок этиши ҳақидаги хабарлар сохта хабар эканини айтган эди.
