АҚШ Тожикистон фуқароларини "Исломий давлат" билан "алоқа" туфайли депортация қилишга қарор қилди

АҚШ "Исломий давлат" билан алоқадорликда гумон қилинган уч кишини Россия ва Тожикистонга қайтариб юборди. Бу ҳақда CBS News хабар бермоқда. Телеканал маълумотларига кўра, июнь ойида Лос-Анжелес, Нью-Йорк ва Филаделфия шаҳарларида полициянинг мувофиқлаштирилган рейдлари чоғида саккиз нафар Тожикистон фуқароси қўлга олинган, улардан мақсад эҳтимолий терактни дастлабки босқичда тўхтатиш бўлган. Уч нафар маҳбус аллақачон мамлакатдан чиқариб юборилган, яна тўрт нафари яқин ҳафталарда Марказий Осиёга жўнатилади. Саккизинчи маҳбус соғлиғи билан боғлиқ ҳолда унинг иши бўйича иммиграция судида қарор кутмоқда. CBS News манбаларига кўра, у ўз ватандошлари тақдирини такрорлаши мумкин. Нашрнинг ёзишича, Тожикистон фуқароларига қўшимча айбловлар, жумладан, терроризм билан боғлиқ айбловлар қўйилмаган, чунки уларни депортация қилишга қарор қилинган.