Яқин кунларда Исроил ўз халқидан яширган нарса ошкор бўлади

30 сентябрь куни Исроилнинг Ливан жанубига қуруқликдан ҳужуми бошланганидан бери камида 25 нафар исроиллик аскар ва зобит ҳалок бўлди.

Бу ҳақда Ливаннинг Ҳизбуллоҳ ҳаракати ижтимоий тармоқларда хабар берди. «Ҳужумлар натижасида Исроил армиясининг камида 25 зобити ва аскари ҳалок бўлди, яна 130 киши яраланди», — дейилади хабарда.

Ҳизбуллоҳнинг айтишича, Исроил йўқотишларнинг бир қисмини тан олган. «Яқин кунларда Исроил ўз халқидан яширган нарса ошкор бўлади», дейилади хабарда.

Исроил-Ливан чегарасида Исроил армияси ва Ҳизбуллоҳ ўртасидаги таранглик 2023 йил 23 сентябрдан бери давом этмоқда. Чегара ҳудудларини ўққа тутиш ҳар икки томондан мунтазам равишда амалга оширилди.

23 сентябрь куни Исроил ҳарбий-ҳаво кучлари Ливан жанубидаги шаҳарлар, шунингдек, Бекаа водийси ва Баалбек шаҳрига юзлаб зарбалар берди.

Ливан расмийларига кўра, Исроил ҳаво ҳужумларида 1411 киши ҳалок бўлган. Отишма туфайли 150 мингдан ортиқ одам мамлакат ичида кўчирилди.

Ҳизбуллоҳ Ливан жануби ва шарқий қисмидаги ҳужумларга Исроил томон юзлаб ракеталар билан жавоб беради.

Исёнчилар асосан Исроил ҳарбий базаларини нишонга олади. Отишма ҳалокатга олиб келади.

Ливан жанубидан пойтахт Байрут ва мамлакат шимолига миграция давом этмоқда. Шунингдек, Сурияга миграция оқими кузатилмоқда.