АҚШ президенти Дональд Трамп маъмурияти Москва билан музокараларга янгича ёндашув доирасида Украинадаги можаро тугамасдан туриб ҳам Россия билан бизнес келишувларини тузиш имкониятини кўриб чиқмоқда. Бу ҳақда “The New York Times” газетаси манбаларга таяниб ёзмоқда.
Америкалик амалдор нашрга берган интервьюсида бундай келишувлар АҚШнинг Россия билан муносабатларни қайта тиклаш ниятининг жиддийлигини кўрсатиши мумкинлигини айтган. Газетанинг қайд этишича, бу ёндашув Трампнинг аввалги позициясидан фарқ қилади.
Музокараларга яқин бўлган икки манбанинг газетага маълум қилишича, Вашингтон энди можаро тугамасдан туриб ҳам Россия билан битимлар тузишга рухсат бермоқда.
Газетанинг ёзишича, АҚШ президентининг махсус вакили Стив Уиткофф ва Америка раҳбарининг куёви Жаред Кушнер “Россияни жанговар ҳаракатларни тўхтатишга қизиқтиришнинг янги усулларини изламоқда”. Нашрнинг таъкидлашича, ҳозирча қандай битимлар ҳақида гап кетаётгани ҳақида маълумот йўқ.
Муҳожирлар кетмоқда — Москва эса қайтишга чақирмоқда
Бошланғич синф қизлари учун ҳижобни тақишни тақиқлаш таклиф қилинмоқда
"Мен ҳеч қачон 102-ҳарбий базани Арманистондан олиб чиқиш масаласини кўтармаганман"
