АҚШ разведкаси можародан кейин Эроннинг минтақадаги таъсири кучайиши мумкинлигини тахмин қилмоқда

АҚШ разведка маълумотларига кўра, АҚШ-Исроил операцияси минтақада Теҳрон таъсирининг кучайишига олиб келиши мумкин.

Бу ҳақда Reuters манбаларга таяниб хабар берди.

Ушбу манбаларга кўра, Эрон яқин орада Ҳормуз бўғозини очиши эҳтимолдан йироқ, чунки у устидан назоратни "Қўшма Штатларга қарши ягона ҳақиқий восита" деб билади.

Эронни заифлаштиришга қаратилган уруш, аксинча, асосий денгиз йўлига таҳдид солиш қобилиятини намойиш этиш орқали унинг мавқеини мустаҳкамлаши мумкинлиги таъкидланмоқда.

Мутахассисларнинг фикрича, бўғоз орқали энергия таъминоти устидан назорат "ҳатто ядровий қуролдан ҳам анча самаралироқ".

Оқ уй АҚШ президенти Дональд Трамп "бўғоз жуда тез орада очилишига ишонади" деб таъкидлади.

Таҳлилчилар шунингдек, бўғоз устидан назоратни ўрнатиш бўйича АҚШнинг мумкин бўлган операцияси жиддий хавф туғдириши ҳақида огоҳлантирмоқда, чунки Эрон ўз ҳудудидан АҚШ кучларига ракета ва дрон ҳужумларини амалга оширишга қодир.