АҚШ Қирғизистон банкига қарши санкциялар киритди

АҚШ Қирғизистоннинг “Керемет Банк” банкига қарши Россияга нисбатан савдо чекловларини четлаб ўтишга ёрдам бергани учун санкциялар киритди

Бу ҳақда Қўшма Штатлар Молия вазирлигининг Хорижий активларни назорат қилиш бошқармаси (OFAC) баёнотида сўз боради.

АҚШ Молия вазирлигига кўра, 2024 йилнинг ёзидан бери банк ўз ҳаракатларини Россия расмийлари ва АҚШ санкциялари рўйхатига киритилган “Промсвязьбанк” банки билан мувофиқлаштирган. Санкцияларни четлаб ўтиш схемасини амалга ошириш учун “Керемет Банк” “Промсвязьбанк” номидан трансчегаравий пул ўтказмаларини амалга оширган.

Маълумот учун, "Керемет Банк” АҚШ санкциялари остида қолган Марказий Осиёдаги биринчи банкдир.