Вашингтон маъмурияти депортацияни тезлаштириш мақсадида бир қанча штатлардаги саноат омборларини ҳужжатсиз муҳожирларни сақлаш марказларига айлантиришни режалаштирмоқда.
Бу ҳақда The Washington Post нашри хабар бермоқда.
Нашрнинг таъкидлашича, Иммиграция ва божхона назорати (ICE) ички ҳужжатлари АҚШ расмийлари "саноат омборларини таъмирлаш" учун пудратчиларни жалб қилиш ниятида эканликларини билдиради. Режага кўра, уларни депортация қилишдан олдин "бир вақтнинг ўзида 80 000 дан ортиқ ҳибсга олинган муҳожирларни ушлаб турадиган" марказларга айлантириш. Бунинг учун "Виржиния, Техас, Луизиана, Аризона, Жоржия ва Миссури штатларидаги асосий транспорт марказлари яқинида жойлашган йирик омборлар" танланиши кутилмоқда.
Нашрнинг ёзишича, 16 та кичикроқ марказлар билан бирга ҳар бирида 5-10 минг муҳожирни ўз ичига олган еттита йирик марказ ташкил этилади. Улар максимал 1500 кишини сиғдириш учун мўлжалланган. Нашрнинг аниқлик киритишича, бу режалар якуний эмас ва ўзгартирилиши мумкин.
Россиянинг “таслим бўлиш” таклифи ҳақида маълум қилинди
Абдуқодир Ҳусанов «Реал»да ўйнашга яқин турибди
Россия собиқ СССРнинг Европа қисмидаги ҳудудларини қайтадан эгаллашни истайди(ми)?
