Трамп маъмурияти йирик омборларни қўлга киритиш ва улардан ҳужжатсиз муҳожирларни депортация қилишдан олдин ҳибсга олиш учун фойдаланиш имкониятини кўриб чиқмоқда.
Бу ҳақда Оқ уй ва Миллий хавфсизлик департаментидаги манбаларга таяниб, NBC News хабар берди.
Уларнинг маълумотларига кўра, бу омборлар Amazon онлайн-ритейлери каби компаниялар учун мўлжалланган. Манбаларга кўра, бу муассасалар ҳозирги иммиграция ҳибсхоналаридан ўртача икки баравар катта бўлиб, АҚШ расмийларига кўпроқ ҳужжатсиз муҳожирларни қўлга олиш ва ҳибсга олиш имконини беради. АҚШ Иммиграция ва божхона назорати (ICE) мамлакат жанубидаги мигрантлар тез-тез депортация қилинадиган аэропортлар яқинидаги омборларга қизиқади.
6 ноябрь куни CBS News манбаларига таяниб, ICE муассасаларида рекорд даражадаги муҳожирлар — тахминан 66 минг нафари ҳибсга олингани ҳақида хабар берди. ICE номини ошкор этмаган вакилининг сўзларига кўра, агентлик бинолари ҳозирда 70 000 кишини сиғдиришга мўлжалланган.
Аввалроқ Трамп президент лавозимига киришгунга қадар мамлакатга 25 миллионга яқин одам ноқонуний равишда кирганини айтган эди. Америка етакчиси Америка тарихидаги ҳужжатсиз муҳожирларга қарши энг йирик депортация операциясини ўтказиш ниятини қайд этди.
Ким Чен Иннинг саломатлигига доир айрим маълумотлар ошкор қилинди
Эрлинг Ҳоланд «Реал Мадрид»га ўтмоқчи!
Нью-Йоркнинг янги мусулмон мэри — Мамдани, аслида, ким?
