АҚШ НАТОдан чиқиш ниятида эмас

Қўшма Штатлар НАТОдан чиқиш ниятида эмас; иттифоққа минглаб америкалик аскарлар жойлаштирилган.

АҚШ Давлат котиби ва Президентнинг Миллий хавфсизлик масалалари бўйича ёрдамчиси Марко Рубио бу ҳақда Словакия Бош вазири Роберт Фицо билан Братиславада бўлиб ўтган учрашувдан сўнг қўшма матбуот анжуманида маълум қилди.

"Биз НАТОдан чиқмаяпмиз. Биз бир неча минг аскарни бир мамлакатдан бошқасига қайта жойлаштиришимиз мумкин, аммо бу ҳар доим шундай бўлган", деди у Европада жойлашган АҚШ ҳарбий бўлинмалари сонининг камайиши ҳақидаги хабарлар фонида АҚШнинг НАТОдаги мақоми ҳақидаги саволга жавобан.

Рубионинг қўшимча қилишича, АҚШ Европа мамлакатларининг иттифоқдаги таъсирининг ортиб бораётганини ижобий ривожланиш сифатида кўради ва Европани бўйсунувчи эмас, балки шерик сифатида кўришни хоҳлайди. "Биз Европадан Қўшма Штатларнинг вассали бўлишини сўрамаяпмиз. Биз шерик бўлишни, Европа билан ишлашни хоҳлаймиз", деди АҚШ Давлат котиби.