АҚШ маъмурияти Исроилдан Ливандаги ҳарбий фаолиятини чеклашни сўради. Бу билан Вашингтон Ливан ҳукуматини “Ҳизбуллоҳ” гуруҳини қуролсизлантиришга ундамоқчи. Бу ҳақда Axios нашри хабар берди.
Манбаларнинг таъкидлашича, АҚШнинг Туркиядаги элчиси Томас Баррак Исроил ҳукумати билан “Ҳизбуллоҳ”ни қуролсизлантириш жараёнига параллел равишда амалга оширилиши мумкин бўлган қадамларни муҳокама қилган.
❕ Нашр маълумотларига кўра, АҚШ Жанубий Ливаннинг Исроил билан чегарадош ҳудудларида махсус “Трамп иқтисодий зонаси”ни яратишни ҳам таклиф қилган. Саудия Арабистони ва Қатар ушбу ҳудудлар Исроил қўшинларидан озод этилгандан сўнг, уларни тиклаш учун инвестиция киритишга розилик билдирган.
2024 йил ноябрида Исроил ва “Ҳизбуллоҳ” ўртасида огоҳлантиришсиз оташни тўхтатиш бўйича келишувга эришилганига қарамай, Исроил ҳарбийлари ҳануз деярли ҳар куни Ливан ҳудудига зарбалар беришда давом этмоқда ва мамлакат жанубидаги бешта ҳарбий постда ўз ҳарбий мавжудлигини сақлаб турибди.
Кейинги 5 йил ичида бошланиши мумкин бўлган 5 та уруш
АҚШ Конгрессига номзод Валентина Гомес Қуръонни ёқиб юборди
Ҳиндистон ташқи ишлар вазири Ғарбни "агар ёқмаса" нефтни сотиб олмасликка чақирди
