АҚШ ва Исроилнинг Эронга қарши ҳарбий амалиётлари бошланганидан буён расмий маълумотларга кўра, Эрон ва Ливанда 7 300 дан ортиқ одам ҳалок бўлган. Қурбонлар орасида юзлаб болалар ва ўнлаб тиббиёт ходимлари ҳам бор.
Бироқ мустақил таҳлилчилар ва ҳуқуқ ҳимоячилари ҳақиқий қурбонлар сони расмий рақамлардан анча юқори бўлиши мумкинлигини таъкидламоқда. Уларнинг фикрича, минтақадаги интернет чекловлари, маълумотларнинг ёпиқлиги ва айрим ҳудудларнинг қуролли гуруҳлар назоратида экани аниқ ҳисоб-китоб юритишга тўсқинлик қилмоқда.
Буюк Британиядаги қуролли зўравонликларни мониторинг қилувчи ташкилот раҳбари Иэн Овертоннинг таъкидлашича, можаро бир нечта давлатларни қамраб олгани сабабли қурбонлар ҳақидаги маълумотлар тўлиқ эмас ва уларни текшириш қийин.
Эрон расмийлари апрель ўрталарига қадар мамлакатда камида 3 468 киши ҳалок бўлганини маълум қилди. Улардан 1 460 нафари тинч аҳоли вакиллари, 2 008 нафари эса ҳарбий хизматчилар экани айтилмоқда.
Шу билан бирга, Буюк Британияда фаолият юритувчи HRANA инсон ҳуқуқлари ташкилоти қурбонлар сонини 3 636 нафар деб баҳолаган.
Мутахассислар фикрича, можаро оқибатларини тўлиқ баҳолаш учун йиллар керак бўлиши мумкин ва ҳалок бўлганлар сони ҳақидаги баҳслар уруш тугаганидан кейин ҳам давом этади.
Ўн йилдан сўнг пулнинг аҳамияти деярли қолмайди
1 августдан автомобиллар учун газ бепул бўлади
Эрон 200 нафардан ортиқ америкалик ҳарбий хизматчиларни йўқ қилди
