Кўринишича, АҚШда Исроилга бўлган муносабат аста-секин ўзгариб бормоқда. Эроннинг Қатардаги АҚШ ҳарбий базасига қарши зарбадан сўнг, Трамп Теҳронни зарба ҳақида олдиндан огоҳлантиргани учун миннатдорлик билдирди. Натижада ҳеч ким ҳалок бўлмади. Трамп ҳатто Эрон энди минтақага “тинчлик ва уйғунлик” олиб келиши мумкинлигини қайд этди. Ва энг қизиғи - у Исроилни ҳам шундай қилишга “иштиёқ билан даъват қилишини” айтди.
Бу оддий гап эмас — бу сигнал. АҚШ энди фақат Исроил томонида туришни хоҳламаяпти. Америкадаги айрим радикал-христиан доираларда Исроилни катта келишувга, яъни АҚШ ва Эрон ўртасидаги тинчликка халақит бераётган омил сифатида кўра бошлашди.
Авваллари Исроил АҚШнинг Яқин Шарқдаги энг муҳим иттифоқчиси эди. Энди эса уни тобора кўпроқ “ортиқча ўйинчи” сифатида тилга олишяпти (яъни минтақада янги тартиб ўрнатиш учун Исроил керак эмас деган фикр кучаймоқда).
Шундай қилиб, катта сиёсий ўйин қайта бошланяпти. Ва бу сафар Исроил эски ўрнини сақлаб қола олмаслиги мумкин, дея ёзмоқда мустақил эксперт Кенес Аметов.
Абдуқодир Ҳусанов «Барса»га ўтиши мумкин — Деку уни «келажак ҳимоячиси» деб билади
Доллар курси яна кескин «қулади»
Исроил Эрон билан уруш тугаганини расман эълон қилди
