АҚШ Ироқдан 20 йиллик ҳарбий контингентини олиб чиқиб кетмоқда

АҚШ 30 сентябрга қадар Ироқда қолган ҳарбий контингентини олиб чиқишни режалаштирмоқда. Бу қарор Америка қўшинларининг мамлакатдаги 20 йилдан ортиқ давом этган ҳарбий ҳузурига якун ясайди.

АҚШ ҳарбийлари Ироқдан биринчи марта 2011 йилда чиқарилган эди. Бироқ 2014 йилда «Исломий давлат» — ИГИЛ*га қарши курашда Ироққа ёрдам бериш мақсадида яна қайтарилган.

Навбатдаги қўшинларни олиб чиқиш жараёни АҚШ ва Эрон ўртасидаги кескинлик кучайган даврга тўғри келмоқда. Можаро туфайли Ироқдаги Америка ҳарбийлари Теҳрон томонидан эҳтимолий зарбалар хавфи остида қолган.

Шунга қарамай, экспертлар фикрича, АҚШ ҳарбийлари Ироқдан чиқиб кетиши Вашингтоннинг мамлакатдаги таъсири бутунлай йўқолишини англатмайди. Америка Ироқ билан дипломатик, иқтисодий ва хавфсизлик соҳаларидаги алоқаларини сақлаб қолиши мумкин.