Бу ҳақда Қўшма Штатлар президентининг савдо ва иқтисодий масалалар бўйича маслаҳатчиси Питер Наварро Bloomberg телеканалида берган интервюсида маълум қилди.
"Украинадаги тинчлик йўли, жумладан, Нью-Деҳли орқали ҳам ўтади. Ҳиндистоннинг Россия нефтини харид қилиши Москванинг Украинага қарши ҳарбий агрессиясини молиялаштиради. Агар Ҳиндистон Россия нефтини сотиб олишни тўхтатса, биз савдо божлари миқдорини эртагаёқ ярмига туширишга тайёрмиз", — деди Наварро.
Аввалроқ Трамп маъмурияти Ҳиндистонга 25 фоизлик қўшимча божлар жорий қилган эди. Эндиликда Қўшма Штатларга олиб кирилаётган ҳинд маҳсулотларига тарифлар 50 фоизга етди.
Ҳиндистон эса Қўшма Штатларнинг айбловларини "адолатсизлик" деб ҳисобламоқда.
"Россия нефтининг энг йирик харидори Ҳиндистон эмас, балки Хитой, Россия суюлтирилган табиий газининг асосий харидори эса Европа Иттифоқи", — дея муносабат билдирди Ҳиндистон ташқи ишлар вазири Субраманям Жайшанкар.
Ҳиндистон бош вазири Нарендра Моди ҳам ўз мамлакати фуқароларини АҚШ билан савдо урушида ҳукуматни қўллаб-қувватлашга ва Ҳиндистонда ишлаб чиқарилган маҳсулотларни харид қилишга чақирди.
Мактабларда 1 сентябрдан смартфондан фойдаланиш тақиқланади
Кападзе: "Агар терма жамоамизни Бенту бошқарадиган бўлса, хайрли бўлсин дейман"
АҚШ Конгрессига номзод Валентина Гомес Қуръонни ёқиб юборди
