АҚШ ҳарбий кучлари Сомалидаги ИШИД позицияларига зарба берди

АҚШнинг Африка қўмондонлиги (AFRICOM) қўшинлари ИШИДнинг Сомалидаги позицияларига зарба берди.

Бу ҳақда қўмондонликнинг расмий сайтида эълон қилинган.

Унда айтилишича, операция 29 март куни бўлиб ўтган. АҚШ ҳарбийлари зарбаларни Сомали ҳукумати билан мувофиқлаштирган. Уларнинг нишонлари Пунтленддаги Боосаасо шаҳридан жануби-шарқда жойлашган ИШИД позициялари бўлган.

Қайд этилишича, жангарилар америкалик ҳарбий хизматчиларга таҳдид солган.

AFRICOM операция ҳақидаги бошқа тафсилотларни ошкор қилишни режалаштирмайди.