Hypersonic Accelerator Suborbital Test Electron (HASTE) дастури доирасида сешанба куни суборбитал парвозда учирилган Американинг Electron ракетаси АҚШ ракеталарга қарши мудофаа агентлиги учун гипертовушли технология синов воситасини ишга туширди.
Бу ҳақда ракета ишлаб чиқарувчиси Rocket Lab учирилиши ҳақида маълум қилган.
Учиришдан мақсад "илғор ракетага қарши мудофаа технологияларини синовдан ўтказиш орқали ватанни ҳимоя қилишда миллий манфаатларни илгари суриш”, дейилади баёнотда.
Махфий "Van" миссиясини олиб юрувчи Electron ракетаси NASAнинг Виржиния штатининг Атлантика океани соҳилидаги Уоллопс оролида жойлашган Уоллопс парвоз марказидан кўтарилди.
Парвоз натижалари ва тафсилотлари ошкор этилмаган. Rocket Lab маълумотларига кўра, уни 80 километр баландликда ракетадан ажратиш муваффақиятли бўлган.
Бу гипертовушли технологияларни синовдан ўтказиш учун мўлжалланган олтинчи парвоздир. Биринчиси 2023 йил июнь ойида, иккинчи ва учинчиси ўтган йилнинг ноябрь ва декабрь ойларида, тўртинчи ва бешинчиси эса жорий йилнинг сентябрь ойида ўтказилган.
Зеленский "тарихий келишув"ни эълон қилди
Сибирдан Орол денгизига сув йўналтирилиши мумкин
«Бу жамоа билан йўлим тугади» - Исломбек Исмоилов Ўзбекистон U-17 терма жамоасидан кетганини эълон қилди
