Федерал Қидирув Бюроси (ФҚБ) директор ўринбосари Эндрю Бейли бир йилдан сал кўпроқ вақт давомида эгаллаб турган лавозимидан истеъфога чиқишини эълон қилди.
Бейли бу янгиликни ижтимоий тармоқ саҳифасида эълон қилди.
"Мен Президент Дональд Трампга, Бош прокурор Тодд Бланшга ва ФҚБ директори Кэш Пателга ФҚБда ишлаш имконияти учун миннатдорчилик билдирмоқчиман. Президент Трамп раҳбарлигида биз Америка хавфсизлигини таъминлаш бўйича вазифамизни бажаришда тарихий натижаларга эришдик", деб ёзган Бейли.
У ўз ютуқларидан фахрланишини ва Миссуридаги оиласи олдига қайтиш учун лавозимидан кетаётганини таъкидлади.
Бейли ФҚБ директори Кэш Пател агентликни ислоҳ қилишда, зўравонлик жиноятларига қарши курашишда, миллий хавфсизликни таъминлашда, ташкилотнинг ички жавобгарлигини мустаҳкамлашда ва агентликка жамоатчилик ишончини тиклашда давом этишига ишонч билдирди.
Эндрю Бейли илгари Миссури штатининг Бош прокурори лавозимида ишлаган. ФҚБ директори ўринбосари сифатида у сайловлар билан боғлиқ терговларни назорат қилишда ёрдам берган ва Жоржия штатининг Фултон округида 2020 йилги президентлик сайловларида бюллетенларни мусодара қилишда иштирок этган.
10 йилдан бери қидирувда бўлган ўзбекистонлик ИШИДчи, «Чойхона» раҳбари АҚШга экстрадиция қилинди
Нетаняху нутқи пайтида зални тарк этган давлатлар рўйхати
Раъно Шодиева учун оғир жудолик
