АҚШ Эроннинг 90 та нишонига зарба берди

АҚШ ҳарбийлари Эронга қарши яна бир ҳужумни якунлади ва тахминан 90 та нишонга зарба берди.

Бу ҳақда АҚШ Марказий қўмондонлиги маълум қилди.

"АҚШ Марказий қўмондонлиги кучлари Эронга қарши қўшимча ҳужумларни якунладилар, бу Эроннинг Ҳормуз бўғозида тижорат кемалари ва бегуноҳ фуқаролик денгизчиларига ҳужум қилиш қобилиятини янада пасайтиришга қаратилган. АҚШ кучлари тахминан 90 та Эрон ҳарбий нишонига зарба берди", дейилади баёнотда.

Қўмондонлик маълумотларига кўра, зарба берилган нишонлар орасида ҳаво мудофааси тизимлари, қирғоқ кузатув тизимлари, ракета ва дронларни сақлаш жойлари бор эди.