Пентагонда Эронга қарши кескин эскалация сценарийлари — кенг кўламли ҳаво ҳужумларидан тортиб, Басра кўрфазидаги стратегик объектларни эгаллашгача бўлган вариантлар муҳокама қилинмоқда. Гап можарони кескин ўзгартириши мумкин бўлган эҳтимолий «якуний зарба» ҳақида кетмоқда.
Axios хабар беришича, муҳокама қилинаётган вариантлар орасида Эроннинг муҳим позицияларини эгаллаш ёки блокада қилиш ҳам бор.
Хусусан, нишонлар сифатида Эрон нефть экспортининг асосий маркази бўлган Харк ороли, шунингдек, Ормуз бўғози яқинида жойлашган стратегик Абу-Муса ва Ларак ороллари тилга олинмоқда.
Шу билан бирга, Эрон нефть таъминотига зарба бериш ва ядровий объектларни кенг кўламда бомбардимон қилиш масалалари ҳам муҳокама қилинмоқда.
Манбаларга кўра, Дональд Трамп ҳали якуний қарор қабул қилмаган, аммо дипломатик уринишлар самара бермаса, кескин чораларга тайёр.
Шу фон ортида АҚШ Покистон орқали Эронга 15 банддан иборат тартибга солиш режасини тақдим этган. Ҳужжат Теҳроннинг ядровий ва ракета дастурлари, шунингдек Ормуз бўғозидаги кемалар хавфсизлиги масалаларини қамраб олади.
Эрон эса таклифни рад этиб, ўт очишни тўхтатиш фақат ўз шартлари ва муддатлари асосида бўлиши мумкинлигини билдирди. Шунингдек, «тажовуз ва қотилликларни тўхтатиш» каби беш талаб илгари сурилди.
28 февралдан буён АҚШ ва Исроил Эрон ҳудудига зарбалар бермоқда. Маълумотларга кўра, ҳалок бўлганлар сони 1340 нафардан ошган.
Жавобан Эрон дронлар ва ракеталар орқали Исроил, шунингдек Иордания, Ироқ ва Басра кўрфази мамлакатларидаги, АҚШ ҳарбий объектлари жойлашган ҳудудларга ҳужум қилмоқда.
Эскалация аллақачон инсон қурбонлари, инфратузилма вайронагарчилиги ва жаҳон бозорларида, жумладан авиация ва энергетика соҳаларида узилишларга олиб келди.
Эронда бир баққол дўкони ойнасида шундай ёзув илган:
Ҳусановнинг финалдаги ўйини қандай баҳоланди?
Эрон АҚШ ультиматумига жавоб қайтарди
