АҚШ Молия вазирлиги икки давлат президентларининг Аляскадаги учрашувига тайёргарлик кўриш ва ўтказиш учун зарур бўлган молиявий операцияларни 20 августга қадар Россияга нисбатан жорий этилган санкциялардан озод қилди.
Бу ҳақда АҚШ молия вазирлигининг хорижий активларни назорат қилиш бошқармаси ҳужжатида айтилади.
Гап "одатда Америка Қўшма Штатлари ҳукумати ва Россия Федерацияси ҳукумати ўртасидаги Аляска штатидаги учрашувларда иштирок этиш учун ҳамроҳ бўладиган ва зарур бўлган" битимлар ҳақида бормоқда. Ҳужжатда таъкидланишича, бу чора Россияга қарши санкциялар остида блокланган ҳар қандай активларни музлатишдан чиқаришни назарда тутмайди.
Аввалроқ АҚШ президенти Дональд Трамп Россия президенти Владимир Путин билан 15 август куни Аляскада учрашишни кутаётганини маълум қилганди. Россия президенти ёрдамчиси Юрий Ушаков етакчилар асосий эътиборни Россия-Украина инқирозини узоқ муддатли тинч йўл билан ҳал қилишга эришиш вариантларини муҳокама қилишга қаратишини таъкидлади.
Келаётган ҳафта Ўзбекистонда совуқ ҳаво кутилмоқда
Муҳаммад Салоҳ жазоланадиган бўлди
АҚШ "ҳам сиз билан, ҳам биз билан ўйнаяпти" - Мерц
