NASDAQ фонд индексида Apple акциялари 5 фоизга ошиб, ҳар бир акция учун 203 долларни ташкил этди ва рекорд ўрнатди. Бу ҳақда CNBC'га таяниб Дарё нашри хабар берди.
Компания ChatGPT билан келишувни эълон қилган, унинг қимматли қоғозлари 5,69 фоизгача ўсган ва ҳар бир 204,11 долларни ташкил қилган.
Apple акцияларининг ошиши корпорацияга рақиби Nvidia’ни ортда қолдириб, дунёдаги энг қиммат компаниялар рейтингида иккинчи ўринни қўлга киритишга имкон берди.
Ўсиш Apple ўзининг iPhone, iOS дастурий таъминоти учун сунъий интеллектга (АI) асосланган бир қатор янгиланишларни тақдим этганидан кейин содир бўлди.
Улар орасида матнни умумлаштириш, оригинал тасвирлар яратиш ва фойдаланувчиларга керакли маълумотларни тақдим этиш учун сунъий интеллектдан фойдаланадиган воситалар бор. Бундан ташқари, фойдаланувчилар энди сунъий интеллект эможини созлаши мумкин бўлади.
Технологик гигант ChatGPT ишлаб чиқарувчи OpenAI компанияси билан шартнома имзолаган. Бу эса Apple компаниясининг Сири овозли ёрдамчисига, шунингдек, iPhone дастурий таъминотига ундан фояланиш имконини беради.
