АПЛ тарихидаги энг яхши ярим ҳимоячилар эълон қилинди

Give me Sport портали таҳлилчилари Англия премьер-лигаси тарихидаги энг яхши беш нафар ярим ҳимоячи номини элон қилишди.

Рейтингда биринчи ўринни "Манчестер Юнайтед"нинг собиқ ярим ҳимоячиси Пол Скоулс эгаллади. Иккинчи ўриндан афсонавий ярим ҳимоячи ва "Ливерпуль" сардори Стивен Жеррард ўрин олган. Кучли учликни инглиз футболининг яна бир афсонаси – Френк Лэмпард якунлаб турибди.

"Манчестер Юнайтед"нинг собиқ футболчиси Райан Гиггз бу рўйхатда тўртинчи ўринни эгаллади. Бельгиялик ярим ҳимоячи, ҳозирда “Манчестер Сити”да тўп тепаётган Кевин Де Брюйне бешинчи ўринда.