Ангрен ИЭС замонавий электрофильтрлар ҳисобига атмосферага деярли зарарли газлар чиқармайди - "Ўзбеккўмир" АЖ

Ижтимоий тармоқларда кўмир сифатининг ҳаво ифлосланишига салбий таъсири кўрсатилган видеолавҳалар тарқалди.

"Ўзбеккўмир" АЖ ахборот хизмати маълум қилишича, компания томонидан Ангрен ва Янги Ангрен иссиқлик электр станцияларига етказиб берилаётган маҳаллий кўмир Б2 маркали бўлиб, кулчанлик даражаси 42 фоизни ташкил этади. Бу маҳсулот сифат гувоҳномаларига мос бўлиб, ҳар икки станция айнан ана шу кўмирга ихтисослашган.

Ангрен иссиқлик электр станциясида 2016 йилда ишга туширилган янги энергоблок маҳаллий кўмир ҳисобига ишлайди, аммо замонавий электрофильтрлар ҳисобига атмосферага деярли зарарли газлар чиқармайди.