Миллий Гвардия Матбуот хизматининг хабар қилишича, жорий йилнинг 20 июль куни соат 15:44 да Чоргузар кўчасидаги туғуруқхонада асакалик 1978 й.т. Р.Д туғуруқхона бош шифокори Қ.С.нинг хизмат хонасига кириб, эшикни ички қисмидан қулфлаб олган ҳолда, туғуруқ вақтида вафот этган фарзандининг ўлимида шифокорларни айблаб, уни ўлдириш билан таҳдид қилган.
Ходимлар воқеа жойига етиб бориб, ҳуқуқбузардан эшикни очишни сўраганда, у прокурорни чақиришни талаб қилган.
Воқеа жойига Андижон шаҳар ИИО ва ФМБ раҳбарлари, Андижон шаҳар прокурори етиб келиб, Р.Д.ни эшикни очишга кўндирган. ТҲГ ходимлари хонага кирганда ҳуқуқбузарнинг ёнида ўткир тиғли пичоқлар ва шуруп қотириш ускунаси борлиги аниқланган. Ушбу ҳодиса натижасида тан жароҳати олганлар йўқ.
Мазкур ҳолат юзасидан дастлабки суриштирув ишлари Андижон шаҳар ИИБ томонидан олиб борилмоқда.
Ўғри божхоначилар 26 тонна олтин билан қўлга тушди
Алишер Қодиров Россия Давлат думаси спикерига жавоб қайтарди
Тошкентда 22 ёшли йигит BYD’да ЙПХ ходимини қасддан уриб кетди
