Анчелотти - "Реал" тарихида энг кўп соврин ютган мураббий

Карло Анчелотти "Реал Мадрид" тарихидаги энг кўп мукофот олган мураббийга айланди.

Бугун италиялик мутахассис бошчилигидаги Мадриднинг "Реал" клуби Қитъалараро ФИФА кубоги финалида "Пачука"ни мағлуб этди (3:0).

Анчелотти "Реал Мадрид"да ўзининг 15-кубогини қўлга киритиб, Мигель Муньоснинг рекордини янгилади.

Умуман олганда, Анчелотти мураббийлик фаолияти давомида 31 та совринга эга (Интертото кубогини ҳам ҳисобга олган ҳолда). "Реал"дан ташқари, Карло "Ювентус", "Милан", "Челси", "ПСЖ" ва "Бавария"да ҳам чемпионликларни қўлга киритган.