Анчелотти ЖЧ-2026 фаворитлари ҳақидаги саволга жавоб берди

Бразилия терма жамоаси бош мураббийи Карло Анчелотти бўлажак 2026 йилги футбол бўйича Жаҳон чемпионати фаворитларини санаб ўтди.

«Франция, Бразилия, Аргентина, Испания, Португалия, Англия... жамоалар кўп. Лекин ҳеч ким мукаммал эмас. Биз улар билан рақобатлаша оламиз ва рақобатлашамиз ҳам», — дея Анчелоттининг сўзларидан иқтибос келтирмоқда UOL.

ЖЧ-2026 гуруҳ босқичида Бразилия терма жамоаси «C» гуруҳида Марокаш, Гаити ва Шотландия жамоалари билан ўйнайди. Эслатиб ўтамиз, Жаҳон чемпионати 11 июндан 19 июлгача АҚШ, Канада ва Мексикада бўлиб ўтади.