Бу йил АҚШда сайловчилар нафақат кейинги тўрт йил ичида Оқ уйда кимни кўришни хоҳлашларини танладилар. Абортлар, марихуана истеъмоли, таълим, ташқи чегаралар хавфсизлиги масалалари ҳам маҳаллий референдумларга қўйилди.
Аборт ҳуқуқини ҳимоя қилиш масаласи Аризона, Колорадо, Флорида, Мериленд, Миссури, Монтана, Небраска, Невада, Нью-Йорк ва Жанубий Дакота штатларидаги сайлов бюллетенларига киритилган.
Икки штатда - Колорадо ва Мерилендда сайловчилар аборт ҳуқуқини мустаҳкамлайдиган тузатишларни ёқлаб овоз беришди. Мерилендда конституцияга репродуктив эркинликни кафолатловчи секция қўшилади. Ҳозир штатда ҳомила ҳаётга лаёқатли бўлмагунча ҳомиладорликни тўхтатиш мумкин.
Колорадода қабул қилинган тузатиш нафақат аборт ҳуқуқини ҳимоя қилади, балки ҳомиладорликни тўхтатиш учун давлат маблағларидан фойдаланишга имкон беради. Айни пайтда, Мериленд штатида бўлгани каби, аборт учун чекловлар йўқ, аммо Medicaid жамғармаларидан - кам таъминланганлар учун федерал соғлиқни сақлаш дастуридан - ҳомиладорликни тўхтатиш учун фойдаланишни тақиқлаш мавжуд.
Нью-Йорк штатида сайловчилар аборт ҳуқуқини ҳимоя қиладиган тузатиш учун овоз беришди, деб тахмин қилмоқда Associated Press.
"1-таклиф" ёки "Тенг ҳуқуқлар тўғрисидаги тузатиш" деб номланган ташаббус штат конституциясига жинсий ориентация, этник келиб чиқиши, ёши, жинси, имконияти чекланганлиги ёки ҳомиладорлиги асосида камситишни тақиқлашни қўшишни таклиф қилади. Ҳозирда конституцияга фақат ирқий мансублиги, терисининг ранги, эътиқоди ва динига қараб камситишни тақиқлаш киритилган. Штатда аборт ҳуқуқини ҳимоя қилувчи қонунлар аллақачон амал қилмоқда, аммо конституцияга киритилган тузатиш уни мураккаблаштириши мумкин.
Миссури штатида сайловчилар штат конституциясига 24 ҳафтагача бўлган муддатга аборт қилишга рухсат берувчи тузатишни маъқулладилар.
Митхун Чакраборти мусулмонларни ўлдириш билан таҳдид қилди
Криштиану Роналду 1000 та голнинг яқинага ҳам бора олмайди
Саудия тарихидаги энг катта хэллоуин нишонланиши нимадан дарак?
