Америкалик истеъфодаги подполковник: АҚШ Эрон билан низода бирорта ҳам мақсадига эриша олгани йўқ

Қўшма Штатлар Эрон билан бўлган низода ўз олдига қўйган мақсадларининг бирортасига ҳам эришмади. Бундай фикрни АҚШ армиясининг истеъфодаги подполковниги Дэниел Дэвис билдирди.

«Биз, албатта, кўплаб эронликларни ўлдирдик ва жуда кўп нарсаларни портлатиб юбордик, аммо ушбу урушда ўз мақсадларимизнинг бирортасига ҳам эриша олмадик», — деб ёзди у Х ижтимоий тармоғида.

Дэвиснинг аниқлик киритишича, гап Эрон режимини йўқ қилиш, ядро ёнилғисини қайта ишлаш имкониятларини ҳамда узоқ масофали ракеталар заҳираларини йўқ қилиш ҳақида бормоқда.