Amazon омборларида тез орада одамлардан кўра кўпроқ роботлар иш бошлайди

Американинг Amazon технологик гиганти омборларида фойдаланиладиган роботлар сони тез орада у ерда ишловчилар одамлар сонидан ошиб кетиши мумкин.

Бу ҳақда The Wall Street Journal (WSJ) хабар берди.

Унинг маълумотларига кўра, компания омборларида миллиондан ортиқ робот ишлайди, бу Amazon учун рекорд кўрсаткичдир ва бу аллақачон омборлардаги ходимлар сонига деярли тенг. Amazon томонидан у ёки бу тарзда етказиб бериладиган буюртмаларнинг 75 фоизида роботлар иштирок этади. Бу компанияга иш унумдорлигини ошириш ва шу билан бирга янги ходимларни ишга олиш суръатини камайтириш имконини берди.

Нашрнинг эслатишича, Amazon роботлар ишлаб чиқарувчи Kiva Systems (ҳозирги Amazon Robotics) компаниясини 775 миллион долларга сотиб олган 2012 йилдан бери жараёнларни автоматлаштириш устида фаол ишламоқда. Ўша пайтда роботлар асосан оғир юкларни ташиши мумкин эди, бироқ вақт ўтиши билан уларни кўтариш, саралаш ва қадоқлашга ўргатилган.

Amazon Robotics техник директори Тай Брэди The Wall Street Journal нашрига автоматлаштириш ишчиларнинг оммавий ишдан бўшатилишига олиб келмаслигини айтди, чунки роботлар уларни алмаштириш учун эмас, балки уларнинг ишини осонлаштириш учун мўлжалланган. Бироқ, нашрнинг баъзи экспертлари Амазон ҳали ҳам келажакда ўзининг йирик омборларидаги ишчилар сонини сезиларли даражада қисқартиришни хоҳлаётганига ишонишди.