Маълумки, юртимизда болаларнинг барча ҳуқуқлари қатори моддий таъминот олиш ҳуқуқи ҳам қонун билан кафолатланган.
Суднинг 09.04.2019 йилдаги қарорига асосан, қарздор З.Х.дан ундирувчи Т.Х. фойдасига икки нафар вояга етмаган фарзандининг моддий таъминоти учун ҳар ойлик иш ҳақи ва даромадининг 1/3 -қисми миқдорида алимент ундириш белгиланган ижро ҳужжати Бюронинг Ш.Рашидов туман бўлимига 09.04.2019 йилда келиб тушган. Шунингдек, қарздорнинг Ўзбекистон Республикасидан чиқиш ҳуқуқи чекланган.
Бироқ, қарздор З.Х. 2017 йилда Туркия давлатига чиқиб кетганлиги сабабли алимент пулларини ундириш имкони бўлмаган.
Ижро ҳаракатлари давомида қарздор аёл 30.12.2023 йилда Ўзбекистон Республикасига келиб, ўзига нисбатан қўйилган чеклов сабаб Туркия давлатига чиқиб кета олмаган.
Шундан сўнг, аёл фарзандлари вояга етгунга қадар алимент қарздорликни бир йўла 43 миллион сўм нақд пулда тўлаб берди.
Давлат ижрочиси томонидан унга нисбатан қўйилган барча чекловлар бекор қилиниб, ижро иши тамомланди.